«Astana tarıh aınasynda»

Astana kúnin merekeleý qarsańynda OQK kitaphanashylary "Nur Otan" partıasynyń Saran qalalyq fılıalymen birlesip, astana kúnine arnalǵan "Astana tarıh aınasynda" atty dóńgelek ústel ótkizdi. Dóńgelek ústeldiń shymyldyǵyn Saran qalalyq máslıhatynyń depýtattary K.Q.Satova men J.Q.Jaıaýbaev ashty. Quttyqtaý sózinen keıin qalalyq máslıhat depýtattary partıa qataryna engen birqatar azamattarǵa partıalyq bıletterdi tabys etip, olardyń joǵary azamattyq ustanymyn atap ótti. Sondaı-aq,"Ardagerler keńesi" RQB Saran fılıalynyń ardagerleri barlyq qatysýshylardy merekelerimen quttyqtap, elimizdiń órkendep, ósýine jáne jastarymyzdyń maqsattaryna qol jetkizýine tilek bildirdi. OQK qyzmet kórsetý bólimi jetekshisiniń m.a. G.K.Hanafına dóńgelek ústelge qatysýshylardyń nazaryna "Nur-Sultan tarıhynan" atty hronologıalyq tanystyrylymdy usyndy, kitaphanashylar "Nursultan-Qazaqstannyń jańarý sımvoly" atty kitap kórmesinde usynylǵan ádebıetterge sholý jasady. Dóńgelek ústel barysynda "Nur Otan" partıasy Saran qalalyq fılıaly tóraǵasynyń birinshi orynbasary N.S. Tájibaeva jáne qalalyq máslıhattyń depýtaty J.Q.Jaıaýbaev saılaý aldyndaǵy naýqanǵa belsene qatysqan jastarǵa alǵys hattaryn tabys etti. Kezdesý sońynda "Bastaý" tarıhı-ádebı ólketaný klýbynyń músheleri A. Kúlmettenova, A.Bımanova "Astana - bas qala","Astana týraly" jáne t. b. óleńder oqydy. Al "Jas tolqyn" jastar klýbynyń múshesi A.Qanapıanova "Týǵan jer"ánin oryndady.

   


Келулердің саны: 98