"Latyn álipbıi – el erteńi"

A.Qunanbaev atyndaǵy SGTK-da saıasattanýshy, "QR Prezıdentiniń janyndaǵy Memlekettik basqarý Akademıasy" RMKK Qaraǵandy oblysy boıynsha fılıalynyń oqytýshysy Mustafın Serik Qamzeuly, Saran qalasy tilderdi damytý ortalyǵynyń ádiskeri Jarylǵapova Bereke Ómirzaqqyzynyń qatysýymen OQK qyzmetkerleri "Latyn álipbıi – el erteńi" atty dóńgelek ústel ótkizdi. Qatysýshylarǵa qazaq tiliniń latyn grafıkasyna kóshýiniń artyqshylyqtary, memlekettik tildiń qoldanylý aıasyn keńeıtý, zamanaýı aqparattyq tehnologıalarǵa keńinen qol jetkizý múmkindigi týraly túsindirildi. Shara barysynda S. Mustafın stýdentterge F. Ońǵarsynovanyń "Áripter" shyǵarmasynyń negizinde qurastyrylǵan "Álippe"ádistemelik quralymen tanystyrdy. Atalmysh ádistemelik quraldy S. Mustafın jáne Saran qalasynyń № 1 mektep-gımnazıasynyń muǵalimi A. Mustafın qurastyrǵan. Óz kezeginde B. Jarylǵapova latyn grafıkasyn úırený boıynsha trenıń ótkizip, jańa álipbı boıynsha stýdentterdiń kókeıinde júrgen suraqtarǵa jaýap berdi. Dóńgelek ústel sońynda SGTK dırektorynyń tárbıe isi jónindegi orynbasary J. Jaıaýbaev pen qazaq tili men ádebıeti pániniń oqytýshysy A.Baımoldına  alǵystaryn bildirip, osyndaı is-sharalardyń óte paıdaly, ári tájirıbe almasýǵa tıimdi ekenin aıtyp, alǵystaryn bildirdi.

 


Келулердің саны: 94