2024 жылғы 18 қазанда «Саран қаласының орталықтандырылған кітапхана жүйесі» КММ-де «Мемлекеттік мәдениет ұйымдарының азаматтық қызметшілерін аттестаттаудан өткізу қағидалары мен шарттарын бекіту туралы» Қазақстан Республикасы Мәдениет және спорт министрлігінің 2016 жылғы 29 маусымдағы №189 бұйрығына сәйкес кітапхана қызметкерлерін жоспарлы аттестаттау өткізілді.
Мемлекеттік азаматтық қызметкерлерді аттестаттациядан өткізудің негізгі мақсаты — кәсіби қызметтік қызметін бағалау негізінде қызметкердің атқаратын азаматтық қызмет лауазымына сәйкестігін айқындау.
Аттестаттау комиссиясына «Саран қаласының мәдениет, тілдерді дамыту, дене шынықтыру және спорт бөлімі» ММ басшысы, «Саран қаласының тілдерді дамыту бөлімі» КММ директоры, құрылымдық бөлімшелердің басшылары кірді.
Аттестаттау 2 кезең бойынша өткізілді – тестілеу және әңгімелесу. Әр қызметкерге ұсыныс-мінездеме жасалды. Барлық қызметкерлер кітапханадағы өз жұмысы туралыақпаратты портфолио және электронды презентация түрінде ұсынды, аттестаттау комиссиясының сұрақтарына жауап берді.
Аттестаттау қорытындысы бойынша барлық қызметкерлер өздерінің біліктілік деңгейін растады. Жеке қызметкерлер үшін жұмысты жақсарту бойынша ұсыныстар берілді. Аттестаттау комиссиясының шешімімен кітапхананың 5 қызметкерінің біліктілік санаты арттырылды.
Аттестаттау жоғары кәсіби деңгейде өтті, комиссия мүшелерінің ескертулері мен ұсыныстары қаланың заманауи ақпараттық орталықтары ретінде кітапханалардың одан әрі дамуына ықпал ететін болады.
