• Қазақ тілі
  • Русский
  • “Парасат жолы” жобасы аясындағы Қазақстан халықтарының бірлігі күніне арналған  “Халық бірлігі – ел күші” атты фестиваль

    № 1 отбасылық оқу кітапханасы 2022 жылы 28 сәуірде “Парасат жолы” жобасы аясында Қазақстан халықтарының бірлігі күніне арналған  “Халық бірлігі – ел күші” атты фестиваль ұйымдастырды.

    Мақсаты: өз елі, өз халқы үшін мақтаныш сезімін тәрбиелеу, ҚР тұратын басқа халықтардың салт-дәстүрлерін құрметтеу.

    Фестиваль барысында мерекенің шығу тарихы мен Қазақстан халықтары достығының маңыздылығы туралы ақпараттық шолу; Бірінші мамырға арналған шағын викторина; “Кітапты сыйлыққа ал” буккроссингі өткізілді.

    “Менің өлкем” кітап көрмесіне шолу жасалды, көрмеде біздің қаламыз және  көрнекті жерлестерімізге арналған “Тағдырлас қалам – Саран”, “Саранға 60 жыл”, “Saran – Саран”, “Біз қазақстандықтармыз!”атты кітаптар ұсынылды.  Қазақстан халқының бай мәдениеті, дәстүрі, өнері бар. Соңында “Біз халықтар достығымен мықтымыз!» атты буктрейлер көрсетілді.

    Шахай Ш. Жан жүрегім – Астана: «Сарыарқа» баспасы,2018.

    «Әдебиеттің әлеуметтік маңызды түрлерін басып шығару» бағдарламасы бойынша биыл «Сарыарқа» баспасынан 2000 данамен шыққан «Жан-жүрегім – Астана» кітап-альбомы Шүкір Шахайдың көзі мен көңіліндегі Астананың даму тарихына арналған.

    Астананың 20 жылдығына орай жарық көріп отырған кітап қазақ, орыс, ағылшын тілдерінде шыққан. Елбасымыздың «Бола­шаққа бағдар: рухани жаңғыру» бағдарла­масындағы тапсырманың бірі елімізді әлемге таныту екені белгілі. Кітап-альбом­ның бұл орайда алатын орны да ерекше болып тұр.

    Шүкір Шахай басқасын былай қойған­да, ескі тарихқа да жаңа көзбен қарайтын тұлғалардың қатарына жатады. Ол түсірген суреттерде нақтылық пен деректілік, болашаққа деген сенім, ыстық ықылас пен қажымас қайрат менмұндалап тұрады. Астананың 20 жылдық тарихына арналған альбом бүкіл еліміздің де даму тарихынан хабар береді. Сүйсінесіз, сүйінесіз. Бұл – біздің еліміз! Бұл – біздің Астана!